Les jardinsMariage en 1946
par LA CLO le, 17/04/2007Vlà inne photo d’mariache comme y in a beaucoup.
Mais ch’étot in avril 1946 din l’nord. Et pour préparer ch’mariache eh ben i a fallu faire des miraques ! Ch’étot l’mariache de m’marraine, elle m’a raconté :
el robe de mariée ale étot faite dins inne toile ed parachute, ouais, l’parachute ch’est inne tante ed’Rouen qui l’avot eu.
L’voile prêté par inne cousine ed Paris, l’courone ed fleurs d’ Lille.
Pas moyen d’trouver des belles chaussures blanques, résultat les chaussures del mariée ale étotent in toile. Ses gants i z’avottent un tiot accroc, raccomodé bien sûr.
Pour l’repas, i z’avottent fait ingraisser un cochon, l’plus gros du ravitall’mint i v’not d’Belgique, un ami d’Boulogne avot réussi à trouver du vin. Em’mère ale avot fait des tartes au libouli. Y a qu’pour ches fleurs qu’cha été facile à trouver.
Mais quand in vot l’photo ben mi j’trouve que ch’étot in sacré bio mariache
mi j'adore chés photos in noir et blanc qu'La Clo al met su ch'site, ch'est des vraies tranches ed'vie, j'éspère qu'al n'a core gramin comme cha !!!!
( 1 photos) 
