v'la l'z'ojons qui attaquent !
par dubois monique le, 19/04/2007Ch'étot l'printemps 1956: em' mère et mi (j'avos eune dizaine d'ans) in devot aller à pied d'el cité Maroc ed' Grenay jusqu'à Mazingarbe , in traversant ches camps
In quitte not' mason, in longe el' Poudrière et in marche, j'comminche à trainailler tellemint qu'j'étos fatiguée, j'téquos comme un viau.
Em' mère al m'incourageot: "vas toudis , t'iras long!"... et i faisot caud ... j'ins pouvos pu, j 'voyos presque pu l'voyette et pis, tout d'un cop, in vot t'y pas, in face ed'nous un troupiau d'ojons!: " Ches les ojons d'WALLECK, i habite el cité Belgique et i vient les faire pâturer là où qu'y a d'l'hierb !"
pas d'Walleck in vue
Mais v'la ti pas qu'ches z'ojons al s'mettent à nous attaquer , al' sifflotent et al poussotent des cris in ouvrant leu becs et j'pouvos vir leu langue dins l'fond d'leu gosier!! Al'z'étotent aussi grindes que d'z'autruches et y devot y in avoir des centaines , à m'navis ... in a couru comm' des dératées .. et ches ojons aussi !
Et pis , d'un seul cop , Walleck i est arrivé avec sin fouet et i'z'a rassimblées , mais nous , in n'a pas d'mandé not' rest : in a continué à courir!
Y'a des gins qui ont pas quer ches araignées , ou ches souris , mais mi , j'ai jamais eu quer ches ojons ... vous comprenez pourquoi .!