ches photos (1)
par kiki le, 21/04/2007Bonsoir à tertous, mi aussi més gins j'ai plaisi à raviser chés photos d'sus l'site , i a pas si longtimps ch'tot un' photo d'mariache avec un' belle robe d' mariée en toile de parachute , al étot superbe .
Comme i dit Potié Vital, pour qu'in puiche partager des momints qui nous sont chers, ch'est ch'qui compte afin d' faire arvive des émotions , joies et peines qui sont chers à note coeur.
J'ai un' photo d' mes parints quand i z'étotent jones , in les vot enlacés avec mes grinds parents paternels à côté et de l'autre deux des soeurs d' min pére , tantes Marcelle et Marguerite, cha chétot dins l' rue d' Bretagne dins l'cité du 11 de Lens et ch'tot en 1948 .
Et chés photos bin vous savez j'cros qui a gramin d'gins qui les gardotent dins l'boite à biscuits , mais ch'elle d'em maman al a toul timps un' boite in fer in forme d' coffre , vous savez comme dins chés film ed pirates.
El prochaine fos vous verrez peut être el photo d'el boite in fer.
Mi aussi j'aime bien raviser ches photos, nos photos aux uns et aux autres, ben ale s'arsannent un peu toutes, in a les mêmes souv'nirs. Et ch'est drôle j'ai eu l'même idée, photographier l'boîte à photos de m'mère.
C'qui fait incore plus bizarre, ch'est qu'depuis qu'j'y ai parlé du site , ale s'met à cacher après des photos, in n'a jamais autant parlé d'min père et des mines qu'in ch'momint. Alors mes gins, vous qui avez cor del'famille qui a connu ch'temps là , faites leur raconter leur histoire, ch'est passionnant.
( 1 photos)