l'tiot carnet
par LA CLO le, 22/04/2007Au fond d’inne boîte à photos j’ai déniché in tiot carnet qu’em mère ale ténot consciencieusmint et du qu’ale
marquot aussi bien les évènemints del famile qu’les achats importants pou l’mason
Ale avot du l’canger d’plache ch’tiot carnet, je n’l’avos jamais vu à l'mason, i fot qu’’jarrive à 63 ans pour découvrir les tiotes notes. J’vous fais profiter d’certaines
mais pas ed’toutes pisqu’y a aussi des dates qui n’appartiennent qu’à m’sœur
et à mi.
- l’carnet comminché l’9 octobre 1947, terminé l’10 juillet 1970,
date du départ à l’retraite d’min père : ale a marqué : fini la mine
et déménagement (pour venir avec nous à l’époque in normandie)
Intre autre, ale a noté :
- dates des grandes grèves
grève générale du 18 novembre au 11 décembre 1947
grève pour le ticket modérateur du 12 au 17 décembre 1951
grève générale du 1er mars au 5 avril 1963
- dates des blessures ed min père à l’fosse
- catastrophe de la fosse 4 de Sallaumines mai 1948
- les dates ed nos vacances, ch’étot rare quand in partot alors
dates, prix de l’tente et matériel ed camping,
- dates des visites del famile ed Normandie
- objets accatés pou l’mason , cha devot ête important pour sin confort, ch’est souvint les mêmes objets qui z’arviennent :
1er septembre 1946 – poste TSF, batteuse le 24 mars 1949, lustre
- objets importants, sans doute à l’époque sûrmint pour l’bon fonctionnemint et l’sécurité ch’est les pots d’feu, et les tuyaux des feux, régulièrmint cha r'vient.
comme les nouvios balatum et les tapissaches . ch’étot important de l’marquer
- pis après in vot les détails des frais d’école pour mi quanqu’j’ai été au cours complémentaire à Lens, cha a du ête un sacré sacrifice pour eux, passe que tout y est noté.
exemple rentrée 1955 :
livres science 400 F – mathématiques 175 F – les 5 autres ? 2485 F
cahiers Suffren 10 à 38 F 380 F
– 7 autres 100 F
colle 38 F gomme et rapporteur 89 F plumes et règles 45 F
cahier textes 170 F
études 300 F etc chemises, classeurs, carnet livres ed musique, ed morale, timbre antituberculeux, Atlas
et comme cha chaque rentrée ….
Ale avot même noté em renconte avec em n’homme, même el jour du qu’il a rincontré mes parints et qui a d’mindé l’entrée del maison, et ouais à ch’t’époque là in d’mindot, mais ch’étot dins in aute sièque….
j’sus toute armuée d’vire cha
Bonjour La Clo, je trouve l'histoire du petit carnet bien sympathique, un aide mémoire qui m'a fait retourner bien des années en arrière
on se souvient des faits qui nous ont marqués comme les gréves de 1948 j'avais 13 ans , on a eu droit à l'armée, tous les jours à 7 heures du matin ont été reveillés au clairon, c'était Monsieur Lenoir, le jour où l'armée a débarqué le son du clairon n'était pas le même, il se sauvait en jouant il avait l'armée aux fesses
ensuite la mobilisation des mineurs en 1963 par le Général De Gaulle, les mineurs ont répondus massivement par un non , 6 semaines de gréve
formidable rien ne manque le prix des fournitures pour vos études, même la marque des cahiers, avec le petit carnet vous faites un clin d'oeil aux jeunes pour leur montrer qu'à ces moments là c'etait difficile aussi, cordialement Daniel