min pépère Pouchain (3) i avot d'z'idées !!
par dubois monique le, 24/04/2007"Cité d'ches Pinsionnés ", chés pièces al'z'étotent tiotes et ches viux i n'n'avotent que deux pou vive, comme ej vous l'ai djà dit , a ch'tépoque là pou ête al mode , fallot tapisser s'mason avec del tapisserie à grindes fleurs vives qu'in allot acater à Bully , dins l'rue del gare , ch'étot tindince
mais min pépère , li , i disot qu'ch'étot des armasse poussières et qu'elle poussière i n'navot assez arniflé dins l'fosse
alors , i refusot ed faire comme chés z'aut gins: li, i mettot d'el peinture! comme cha , i pouvot l'briquer et inl'ver el poussiére; i a jamais eu eune fleur sur un mur: i a toudis mis d'el peinture et i a ténu bon , malgré ches armontrances d'em mère ! i peinturot in bleu , in jaune , in vert
i peinturot toudis !et i briquot toudis.... cha laissot des coulures noires à causse del poussiere dech'feu à carbon qui finquot..
Achteure , in vot qu'cha tout partout ..... min pépère Pouchain , ch'étot un précurseur !