Les jardinsv'la Marino ! donne meu eun' pièche !
par dubois monique le, 26/04/2007Dins ches années 1950-1955, à Grenay comme ailleurs, y avot pas d'frigo dins ches masons , mais y'avot d'z'infants qui aimotent ches glaces ... et in étot tous ben contints d'vir arriver Marino et sin bidet : i sonnot dins eun cornet , in l'intindot tous , et vite in rintrot à nou mason pou d'mander eun' pièche ed monnaie pou acater un cornet ou ben eun' gauffrette avec del glache intre deux
al étot bielle el carrette ed Marino , y avot deux tiotes cloches qu'i soulevot pour prindre el glache et rimplir ech cornet ! j'me souviens qu'al étot peinturlurée in blanc et qu'am' simblot très belle es carrette ! Marino aussi i étot in blanc ... mais s'n'allure al est vague : j'em rappelle d'ches glaces et pas d'es tiete !
In fesot la queue et pis in s'asseyot su l'bord d'ech caniveau ou su ches barrières in cimint pou déguster nou cornet ! et gare à ch'ti qui faisot quer el sienne !
Ches parints i z'étotent contints : i ramassotent ch' crottin à l'queue dech' bidet ! comme cha , y avot du plaisi pour tout l'monde !
