arpiquer ches porions
par annie62110 le, 26/04/2007min pére dins sin gardin i avot eune couche dù qui faigeot ses s'mis, surtout des salates et des porions
quand i r'piquot j'étos toudis derrière pour arroser mais avant i m'faigeot assire su sin tiot banc et j'préparos ché porions à r'piquer, j'coupos un bout d'ches verts et d'ches racines, mi j'adoros cha, ch'étot in queque sorte eune mission d'confiance
aprés i faigeot des tros avec sin plantoir et mi j'mettos ches porions, ch'étot des momints privilégiés qu'j'ar'grette aujourd'hui, des tiots bouts d'infance, et surtout des bons momints passés avec papa din ch'gardin!!