Grenay, y'avot du mond' à nou portes !
par dubois monique le, 29/04/2007D'pi qu'ech su droguée ach' site, chaque fos qu'ej discute avec em maman (par téléphone passequ'in habite à 1000 kms l'eun' et d'l'aut !) in parle toudis dech' timps passé, et all' m'rappelle des souv'nirs qu'j'avos oubliés, mais queque fos, as 'trompe
j'vos racontot l'aut' jour l'histoire ed POP ed d'es carrette, tout cha , ch'est vrai, sauf que l'ramasseux d'piaux d'lapins i habitot bien " ch'catiau " près d'ech cimetière Inglais, mais qui s'appelot pas POP !
POP , ch'étot l'marchand d'lait !
Al s'rappelle pu d'sin nom à ch'ti qui criot: " Piaux d'lapins , piaux ", et qui passot dins ches corons, p'tet qui n'a qui savent !
Ch'a m'a fait pinser à ch' z'autes marchands qui passotent avec leu bidets
em' maman, sin pu viux souv'nir i date d'ches années 1930 à l'cité Belgique : y'avot un vindeux d'café "CAIFFA" qui v'not deux fos par mos et m'grind-mère al acatot du café vert qu'al faisot griller aveuc un moulin et cha sintot bon, dins toute el' cité.
Et pis, pu tard y a eu Ch'fameux POP à Grenay qui vindot sin lait mais qui rintrot pas dins ches corons : i restot avec sin bidet au bout d'el rue : i stationnot à coté d'chez Mme Bacquet, et ches femmes ach' déplachotent aveuc leu castrolles ou leu bidons pou s'faire servir eun' pinte ou un lite ed' lait.
Y'avot donc Marino, l'marchand' d'glaches, qui passot aussi avec un bidet (j'vos in ai déjà parlé)
aprés, i s'est mis à l'mode et i a acaté eun' tiot camionnette sins "cul" à l'arriere, ch'tot pu parel !
Et pi, ches pas fini ! y in avot des gins qui passotent : ch'ti qui vindot des balayettes et des brosses ed' chiendent pou l'lessive
et ch'marchand d'pain
et même el dimanche, eun' carrette à bidet qui vindot des moules !
Et y avot aussi cheuches qui v'notent pas souvint : in parlot d'ech' "tchouck tchouk" aveuc ches tapis et sin ballot su sin dos
eun' femme qui proposot d'z'aiguilles, du fil, eun' tiot mercerie ambulante qui étot quequefos appréciée
et mi j'em'souviens d'eun' "baraquaine" qui voulot dire el'bonne avinture, al étot mal kéue aveuc min pepère paternel: al a pas eu l'loisir d'ovrir es' bouque, qu'il l'avot jejtée su l'trottoir! al l'avot pas deviné!
Surmint qu'j'in oublie !
à vos souv'nirs !
Pour répondre à Monique au sujet du personnage haut en couleurs "peau de lapin peau"..... qui habitait au Château à Grenay, il s'agit de Marcel CAUX que j'ai bien connu, son épouse habite toujours dans la rue qui menait au château aujourd'hui détruit.
J'habitais la Cité des Brebis dans ma jeunesse.
Merci à JP pour les précisions au sujet de monsieur CAUX Marcel: je sais donc , grâce à lui , que Caux était son nom véritable et non un surnom , comme je l'imaginais ! vive le net !