ché magnétophones à bandes
par Marie-Claire le, 01/06/2005Mi j'a des souvenirs d'cha, in in trouvot pas partout.
Chétot au début des années 70, min père i avot acaté un magnétophone Philips à bandes ou à pistes.
Chétot eune pétite révolution passqu'in pouvot inregistrer tout c'qu'in voulot. Les disques des copines, mais surtout i avot un micro et in pouvot s'inregistrer. Tous ché vieux qui cantotent i ont eu drot, des discussions dins ché r'pas d'famille etc... et j'a core ché bandes mais j'sais pas si l'apparel i marche core.
Chétot des bandes comme des bandes d'film mais del taille d'un CD d'ach't'heure, cha féjot j'cros bien inviron 1h30 su chaque piste et y avot un compteur sur l'apparel, alors in notot sur un cahier ché compteurs et à quoi cha correspondot.