à Grenay, ches viux i sont gâtés pal ' mairie

Em' maman al va su ches 81 ans et l' premier Mai al étot tout continte ed' sortir : comme tous ch'z'ans, l'municipalité al offre un repas à ches aînés d'el commune et i faut vire commint i z'ont querre cha !
El samedi, em' maman al étot allée s'faire faire des frisettes... el l'jour même al s'est indiminchée , pomponnée et al a dù s'arquinquer in sortant de s' mason !
Al a passé un biau mardi : al a bien mingé et al m'a donné ch'menu : j'in avos l'iau al' bouque : apéro + velouté ed' tomates + cassolette d'ecrevisses sauce Nantua + ch'boucher i a offert un sorbet + et pis un gratin dauphinois aveuc des tiots légumes et un sauté ed ' viau , et ch'est pas fini mes gins ! un' salate et du fromache et cor un digestif ... et un mousseux.... parait qu'chétot extra !
et pourtant i z'étotent 200 dins l'salle d'ches fêtes ed' Grenay ...
Monsieur l'maire i étot là, i a serré toutes ches mains et i a canté in patois...
Et pis i z'ont dinsé : i avot un orchestre !
Em' maman al a rincontré des gins del cité du Maroc qu'al avot pas vu d'pu d'z'années et al étot continte ed' vire qu ils l'avotent arconnue !, eune fille ed' madame Salmon , et un tiot garchon d'el famille Delenclos d'el rue Massenet : i'z'avotent grandi et un tiot peu vieilli , forcémint .... mais al étot rudmint continte ed pouvoir parler d'aurefos et d'me l 'raconter !

al leu a parlé d'ech site " Histoires ed Ch'tis " et al étot fière ed' dire qu'j'avos parlé d'eusse ed'dins , comme chi qu'j'etos un grind ecrivain !!
i'z'ont parlé ed Marie-Claire et d'tous chés gins qui connaissotent ! al a pas vu el timps passer!

Un sacré cop capiau à l'municipalité et à sin Maire : el l'plaisi qu'al fait à ches personnes âgées , cha n'a pas d'prix !

ben Monique si j'avos su que presque 40 ans après avoir quitté Grenay in y parlerot d'mi grâce au net ... cha fait plaiji in tout cas