dins l'rue de Coupignies à Wingles

dins l'rue de Coupignies à Wingles carreau de cheul fosse 7.

Ech vient d'vire un film sur ches mineurs gallois. Ben sur, m'mémoire
n'est pas toujours sure. Chinquante ans cha passe duchemint. Asteur, ej sus aux Etats Unis sur un'montagne et y avot des mines aussi. Lookout Mountain, en Georgie du Nord, en in crorot pas ses yeux ichi. Min copin Steve i ma montré ches gaillettes fossilisées.

Cha armonte ben loin, quand diadia i venot m'quaire et in allot sur l'marché à Wingles. Nouzautes in étot polonais, min vrai nom ch'est Mieczyslaw.
Min père Mietek i devot courir avec s'musette su sin dos quand i étot in retard.

Eun' fos, min père étot d'sous un éboulement à l'fosse 7. Un arabe, Mohamed i l'a tire d'là. Ch'étot un marocain. Alors pour mi, tous ches marocais ej'leur dit "Malecoum Salam".

In avot pas grammin d'sous, mais y avot du pain, "chleb" comme in disot en polonais. Des kluskis aussi, des krustikis et du placek el dimanche quand Busia in fesot.
In allo al' messe écouter ch'curé à l'église d'Wingles. Amen vobiscum passez moi l'oseille i disot min communiste d'frère Alain.
Pour du ski, in allot su ches terrils du cote d'el fosse 3 sur des couvecles d'lessiveuse.

A l'école, ch'etot ach' groupe scolaire Leon Blum.
Min instititeur au certificat d'etudes, ch'etot Mr. Jean Pierre Thierry, Mr. Cachera, Mr. Atron, "Chitron". I fallo seul faire ch'tila. I nous tapo d'su pour un oui ou un non.
Comme un jour ch'est pas long et encore moins une année, j'ai appris a m'continter d'pas grand chose.

In allot al'peque à ch'marais d'Wingles. Sac'n din, ch'etot boulot et dodo, noir comme un mineur. Min père i voulot pas que j'deschinde a l'fosse.
I a quitte l'mine et ches mineurs pour aller travailler à Provin/Bauvin comme homme de chaudière.
cha n'a pas marche et in etot des vrais
gitans. 3 mo par chi, 3 mo par là.
Après, Mietek i est d'venu chauffeur d'autocars. L'an dernier, au mois d'novembre, min père, silicosé et bien malade nous a quitté. Pax dominimum corpus.