mémère Théresse
par annie62110 le, 14/05/2007ch'est comme cha qu'in app'lot note grand'mére maternelle, al a vécu 90 ans et croyez me cha a été des années bin rimplies
al a jamais quitté sin quartier de l'rue d'Lens à Hénin et ses maison des mines, al a eu douze infants dont dix vivants, al étot toudis gaie, al étot toute voutée d'avoir passé sin temps à ravauder les vêt'mints d'ses infants
quand in rintrot à s'maison cha sintot toudis bon, y'avot toudis eune soupe ou un ragout in train d'mijoter su l'coin du feu, et comme in plus al avot r'ceuilli eune ed'ses fille divorcée et ses quatre infants, chez grand'mére chéto toudis plein d'jeunesse
j'cros que l'plus mauvais momint de s'vie ch'est quand s'tiote fille Gilda qu'al él'vot d'puis pas mal ed temps al s'est suicidée, in a jamais su pourquoi eune jeune ed seize ans si jolie al s'etot oté s'vie, ch'est toudis resté un mystére
et la y'a quéqu'cosse qui s'est cassé chez mémére, al a continué à vieillir mais un tiot peu plus vite qu'avant, l'temps pour elle d'vire partir trois d'ses zinfants, al les a suivis tout simplemint sans s'plaindre comme si sin temps y'étot v'nu comme al digeot si bien!!!!
et nous cha nous a fait tout drole, in l'avot jamais vue malade!!