Bruay mai 2007 gare du nord

cha y est j avo r'pris ch' métro eune fo arrivé à paris, pi m' vla gare du nord
faut que j' fasse attention , mi j' ravisse ché gins dans les ziux mais ché vrai cha s' fait pas, nan, té peut et' au miyeu d' eune foule, mais té ravisse pas tin vigin , té sais qui est là mais faut pas t immerder
j a été frappé, i yavo un sdf qui éto à terre au miyeu d' ché bancs du qu' ché gins i z attintent j' sais nin si chéto l' fatigue, l' fro, ou qui éto plein ; qui faijo qui éto comme cha allongé à terre, i éto p'tete mort d ailleurs, mais c' qui m a frappé ché ché gins qui étotent assis autour ed' li , et qui l' remarquo plus, ché plus zimportant d avoir sin cul sur eune caielle, in tout cas cha les géno pas d' ete assis autour ed li

bon in attind ch' numéro d' quai pour ch' tgv, chtilale i le mettent toudis au dernier momint, verriez l' levée d' moniaux qui d un seul coup s' précipite pour printe es' plache quand que l' numéro y apparait , eh calmez vous mes gins, zavez des réservations, ch' train y va vous attinte, nan, cha courre , cha s' presse, ché pret as' bousculer pour rintrer dins ché wagons et pourtant eune fos tout l' monte assis i a cor plein d' plaches, mais ché rin

ch' train i demarre, bon y a toudis quéqu un qui s' deminte si y est dinch' bon wagon vu que ch' train i s' sépare à arras, eune partie qu ale part vers valenciennes, l aute vers dunkerque
enfin ch' train i démarre, in traverse l' banlieue vite fait et déjà in est à la hauteur ed' roissy, pi ché ché camps , on lonche l autoroute, et minloute i s indort ...

arras arriffe, légere secousse aprés, ché l' séparation des trains, pi in ardémarre, direction lens, et là cha y est comme à chaque coup , les vlà ché terrils , enfin in est as' mason , tout du moins dans s' n' inviron'mint

ch' train i s arrete à lens, cha monte et cha déchint, et vla dj'a béthune ....