s'belle rhabillure
par Marie-Claire le, 03/06/2005Quand in sortot in mettot s'belle rhabillure, ou s'belle vêture. Chétot ché habits du diminche. Et in étot contints l'diminche d'ete bien habillés, j'parle pour ché filles, in étot contintes d'sortir et qu'in allot vire qu'in avot eune nouvelle rope ou des nouvelles cauchures.
Au bout d'un momint ché habits du diminche i "deschindotent" in s'maine.
Mais ché costumes ché z'hommes i les gardotent un momint, tant qui pouvotent les mette in fait. I servotent pas souvint alors i s'usotent pas vite. Et in les conservot bien dins l'naphtaline.
Ach't'heure faut bien dire cha s'rot plutôt l'contraire pour pas mal d'gins, in s'habille pus l'diminche mais in préfère ete in décontracté.