Bruay mai 2007 sul' coté des mazons
par minloute le, 16/05/2007dans l' temps , in rintro pas souvint par el porte ed devant, chéto l' porte "officielle" , quand qu on arcevo du monte, ché gins i passotent par là , cha donno sul' pieche ed devant, chéto presque eune pieche d apparat, ed dins in avo mis tous ché bios meupes, souvint des meupes qu in avo récupéré d' es' mère, ou d'es grand mère
meupe style henri II henri III , buffet emberlificoté avec des torsates, sans parler des caielles pas souvent bin confortapes, mais cha fait rin, i fallo avoir eune pieche comme cha
nan , ché zabitués i passotent par l' coté, par l' cuisine, d abord i fallo pas salir l' pieche ed devant avec des godillots tout fraiques, pi in passant dinl' cuisine in éto directemint ed dins l' mason du qu in pouvo met' ché pieds d' sous l' tape pour minger quand qu in rentro à midi
et pour ché voisines qu ale venotent al' mason , elles zétotent directemint in action pour pouvoir babeller sur eune aute voisine, tout en étant prés dech' fourneau du quel' caf'tiere ale cauffo
autant l' devant des masons éto j' diro réglementé du temps que ch' garte i passo, autant l' porte d' coté , ale éto souvint bricolée, et in avo pas toudis l' meme style, ou l' meme peinture d eune porte à eune aute
( 1 photos)