Bruay mai 2007 rue de Fives et du Creusot

j a traversé ch' parc vert et j' m a retrouvé du coté del rue du qui avo l' rue d' commentry
et là j a vu cha
j a du cacher dins m' tiete pour m arsouv'nir de quelle rue chéto
pour plus d' certitute, j a rincontré un viu monsieur et j a discuté avec li, i m a confirmé que chéto l' rue d' fives et qui zétotent in train d' l abatte
"ché malheureux d ' vire cha , in s'cro du temps des bombardemints , pi in sait pas si vont arconstruire
oh pi savez (cha ché quéquosse qui arvenno dins toutes ché discussions) bruay is' meurt savez
in artrouffe pu ch' bruay d avant
y a plus qu' des viux ichi, et savez ché pas évident d' trouver un commerce, tout y ferme ichi à bruay, tout y part al' porte nord , ché ti pas malheureux cha "
"y a bin ch' magasin E D " que j y dit
im 'répond "ouais cor heureux mais in n y trouffe pas tout, si zavez eune ampoule qu ale casse bin y a pu rin par chi faut aller a mon cora, et min fils i vient eune fo par s'maine , i nous zimene faire ché courses, cor heureux qui est là sinan j' sais pas commint qu on f'ro
mi j' me plainds pas cor ed' trop, j' marche cor assez bin , mais ravisez ché personnes qu ale peuffent pu s' déplacher , bin ché un problème "
"pi savez bruay ché pu parel, mi l' soir j' déchinds pu à bruay , ché jones ché del' racaille, à faire du bruit, pi zont toudis eune canette al' main, ché pas possipe ed vire cha "
"ché vrai cha , mais du qui travalent ché gins par chi achteure qui a pu d' mine ? " que j y dis
"ah savez, y a plus d' artraités que d' gens qui travalent, ceux qui travalent bin ché souvint sul' porte nord, ou alors i partent te sur lille , mi j' vo l' fils d' min voisin, ché là qui travale, i part au matin et y arvient l' soir "
"ravisez chi y a pu personne dins ché rues achteure"