Les jardinsBruay mai 2007 la dernière séance .
par minloute le, 17/05/2007j l avo vu in photo djà , merci à lou marcel, mais cha fait un choc eune fos que t as dépassé ch' lycée et qu' té dechint l' cote, y a pu rin, pu l' magasin muche truc, pu l' boulang'rie, et surtout pu ch' cinéma casino
pu ché portes à battant, pu l' premiere pieche du qui avo ch' guichet sur la gauche , pu d' grantes photos noir et blanc d' vedettes américaines, comme gary grant
pu l' pieche aprés qui permetto so d' monter l' grand escayer aux marches brillantes, so d bore un coup au bar, so d aller picher, d ailleurs in pouvo bore un coup et aller picher chéto nin interdit
eune fo qu in arrivo a l étache, so in monto au niveau supérieur et là in domino tout (chéto plutot l' coin d' ceusses qui voulotent faire du bouque à bouque pindant ch' flime , "alors chéto bio ch' flime ? et té voyo l' file car armetto eune couche ed rouche à leves in déchindant ché marches" so alors t arrivo dinl' grante salle, avec la particularité qu' té voyo pas grand cosse à part l' leumiere qui avo au bout d' certains strapontins, et pour pas t' casser t' guiffe dins l' pente, ouais pasque cha dechindo sec, i y avo l ouvreusse avec s' lampe ed poque
( 1 photos) 
