Les jardinschez bonbons d'antan
par roger le, 07/06/2005Quand j'tos tiot in m'applot bouqu'a chucs, encor' à l'heure actuelle.
Si j'avos eu min diminch' à quelqu'un chétot pou aller querre des bonbons chez madame "pipe" ché comme cha qu'elle s'applot ch'lépicière du coin.
Avec un franc d'bonbons té n'avos plein tes poques, un carambar té payos 5 centimes, eun' souris in caramel dur inrobé d'chocolat 10 centimes, yavot aussi des tubes in plastique et 20cm rempli coco ou d' limonad' in poutr' que té devos print' ti meme et si i avot un bout rouge au bout tavot gagné. Et i fallot qu'tin reprind eun' aut', et si i avot cor un bout rouge té n'arprenos un jusqu'à tavos perdu té payot 10 centimes, des rouleaux zan
10 centimes, des chwim gum qu'té tiros aussi din l'boite té l'ouvros si chétot marqué gagnant té n'arpreno eun' aut' 5 centimes, et cha, cha m'fait pinsé quand m'femme elle acate des grosses bouchées inrobés noisette j'va pas dir' l'marque cha comminche par such.... et bin je l'ouvre et j'i dit qu'j'ai eu un gagnant! pour mi n'avoir eun' aut', mais cha march' pas.
I avot aussi des moréco, cha chétot bon mais 25 centimes, des skis au chocolat glacé, cha fondot tout seu din d'bouque!et j'in passe.
Chez pour dir', va querre 1 franc d'bonbons maint'nin avec tes cinq dos su t'main té na cor' ed trop.
