ch'est mi que v'la
par Bebert le, 29/05/2007J’ai m’nièche qui s’marie à Faches-Thuménil in juin alors j’va profiter pour faire un tour à Bruay- dù que sus né in 1939 et à l’Bussière dù que j’ai vécu jusqu’à 13ans avant d’aller rester au villache à ch’Pacault d’Hinges.
Comme tertous, j’ai des souv'nirs d’jeunesse que j’voudros ben r’trouver, mais quand j’lis tous vos articles sur l’site, cha m’fait peur, surtout que je n'connos pratiqu’mint pu personne à Bruay-Labuissière comme on dit ach’heure !
Alors mes gins ! si dins les prochains temps vous veillez eune auto 700 XN 68 qui va duch’mint ! ch’est mi Bébert qui cache après eun sait-quoi qui à disparu! ne ralez pas, faites comme mi quand j’vos un 62 ou un 59 in Alsace dus’ que su d’pu 39 ans, j’li demande in Chti ! si j’peux l’renseigner. i est ben contint, et mi aussi d’pouvoir parler nou patois ! Bon à dé mes gins, à l’occasion, j’s’rai contint d’vous connaite et d’artrouver un peu du temps d’eume jeunesse !