une entorse aux règles du site
par minloute le, 02/06/2007comme j a dis dinch' tite, j va parler d un truc, que j' m interdis d habitute d' faire , mais que j va faire quand meme, ché parler politique
pire , j' va vous parler du front national
d' abord pour artirer tout parlache , j' respecte ché gins qui votent ou ont voté front national , in peut pas les balayer d un r'vers d' manche , comme cha , pasque ché zidées véhiculées par ch' parti là, cha nous plairo pas
j' va simplemint faire un parralelle, en al'mane après la première guerre mondiale , chéto l' brin
chomache, différence d' plus en plus grante inter ché classes sociales , pas d' av'nir rose ...........
j a acouté taleure l' télé sur la trois, et in parlo du nord d' la france, du qui pourro avoir des triangulaires au troisieme tour avec ch' front national
l' parti socialiste, ch' parti communiste, i sont en sacré chut' libe dins nos régions , et l' extrème droite ale en' n a récupéré
ché normal , y a eune partie des gins qui votent pour ch' front, pasque pour eux ché l' seule porte ed sortie, ché seuls qui ptete parlent ed leurs problemes d' tous les jours et qui leur laisse intrevoir un tchiot peu d' leumiere au bout du tunnel ......
tout cha , comme j a dis , que j' négigue pas leu votes , j' cro qu in vit cor en démocratie
mais cha m' fait busier aussi aux holligans anglais, ché l' meme creuset, régions industrielles in faillite ed traval, jones laissés sul' bord du train d' la vie
ennui, isol'mint, solitute, y a quand meme des points commmuns
j a écris cha , pi j' eum dis , efface cha, cha va pas et' bin pris
mais d un aute coté , ché un sentimint que j arsint tel'mint
j' me dis aussi, si voulez combatte l' front national, donnez du traval aux jones, occupez les , quo qu en en disse, et meme si l' confort y est plus présent achteure, j' su persuadé qu un jone qui débute dans la vie professionnelle ed nos jours, i aura un parcours plus compliqué qu in a pu avoir quand qu on a comminché à travailler y a 40 , 30 et meme 20 ans