J'vas l'dire à min père
par Marie-Claire le, 09/06/2007Un poème que j'a ker, dù qu'in s'arconnot tertous, dù que j'm'arconnos, min père i n'est pus là mais trés souvint quand j'a des soucis, m' première pinsée ale s'tourne vers li et ch'est "ah si j'pouvos l'dire à min père" et comme Clément Druon, j'y dis quand même .....
un poème de Clément Druon de Vimy
J'vas l'dire à min père
Incore tout gamin, à l'école primaire,
Quand un comarate étot mauvais joueur,
Et m'volot mes mapes ... cha partot du coeur,
J'vas l'dire à min père !
Min père i savot tout : i savot tout faire :
Armette un carreau, réparer un fu,
Et que d'fos ch'consel ej' l'avos intindu :
Deminde-le à tin père !
Des fos, j'n'étos l'victime première,
Quand j'étos indine, quand j'avos mal fait,
N'y avot que ch'mot-là pour faire ed' l'effet :
J'vas l' dire à tin père !
Pis, in grandichant, chingeant d'caractère,
J'n'ai pus rien d'mindé : je m'croyos si fort !
Mais j'ai dû arconnaite que j'avos bien tort
De m'passer d'min père !
Min père i n'y est pus, mais s'voix familière
Résonne à mes orelles, el'jour et l'nuit,
Et je m'dis incor, quand j'ai des innuis :
J'vas l'dire à min père !
Clément Druon
Marie Claire , ravissant ce poême et ne l'oublions pas, c'est bientôt la fête des pères que je souhaite à tous, un pensée pour nos pères toujours présents en nos mémoires.
Bonne fête à tertous.
Oui kiki, c'était mon "Bonne fête Papa" avec un peu d'avance
c'est pas une question la mienne, seulement pour dire que cette poemme me fait pleurer!!
merci!!
emanuela- Italie