visite al' phramacie 1

mais c' qui éto aussi impressionnant chéto tout c' que té voyo tout autour ed ti
i avo bin seur eune publicité pour el ceinture gibaut, "reins surs, reins chauds, ceinture gibaut"
et la té voyo comme un tchiot man'quin avec des bandaches partout, ah ché sur qu' li i pouvo pas avoir d' maux, i avo un bandache à sin g'nou, à sin pied, a sin coude, as' n épaule , sur es' gampe , et là fin du fin, eune bande autour du vinte, qu in auro dit eune sous ventriere comme in metto dinch' temps à ché bidets

aut' cosse qui traino toudis dins zin coin, eune paire ed béquiles, un espece ed siau avec des cannes ed 'dins, un écorché comme in dit, eune arproduction del' tiete du qu' té voyo in coupe, l' guiffe mais surtout c' qui avo a l intérieur, ah beurk, chéto in truc a pas trop raviser sinan té pouvo dégobiller ....surtout avec l eule qui semblo arsortir ed là ......vraimint chéto pas régalant cha , un coup à faire arsortir s' tartine par in haut ....

pi aussi un truc impressionnant, ch' grand comptoir, ouais chéto comme un mur d' vant ti, comme eune barriere, nous in éto ché malates et d' l aute coté du comptoir, chéto ché gins qui allotent nous guerrir
pasque ché pas ch' méd'cin qui fait guerrir, ché bin ché médicamints qu in allor y querre
(là j viens d' m apercevoir que j a dis eun' bétisse, in présento pas sin carnet des mines ichi, vu qui fallo aller al' phramacie mutualisse , si j m a pas trompé dites me )

donc j arviens ach' comptoir , plutot hostile, bon in voyo derriere plein d' sortes ed médicamints, in arconnaicho d' temps in temps des connaissances, comme ché boites ed visque, connaissez ch' visque mes gins ? ah j in su sur, l' espece ed melasse qu in metto such' gorche quand qu in avo l' nez bouché et qui avo l avantache ed déboucher l' nasiau des zautes personnes del famile, meme si zétotent pas bouchées , pasque cha dégageo eune odeur assez forte ....
sul' coté du comptoir i avo ché bonbons d' mineur, là chéto rare que m' mère ale in acatote mais cha arrivo cor d' temps in temps
mais y avo plus graffe, ché quand que ch' phramacien i parto derriere pour aller querre un médicamint, et là ch' client i éto presque fier, i avo pas drot a des médicamints normaux, non pour li chéto derriere, chéto des espécials, dans pas pour tout l' monte, l' meme cérémonial quand que ch' boucher, escusez me del comparaison, i allo querquer un morciau d' viante espécial au fond des' pieche froite ......