visite al' phramacie fin
par minloute le, 19/06/2007mais j allo oublier les plus importants , ché phramaciens
avec leu blouses blanques, ché du sérieux l' blouse blanque, comme ché chirurgiens, ché profésseux, enfin rin qu' du monte qui a fait des zétutes ...
l' phramacie chéto mr Bonnier quil' tenno (j a un doute sur sin nom, mais i parraitrot qu' sin surnom chéto bubu) li , un visache d' poupon, meme si éto djà agé, des joues bien remplies , bien roses, un corps bin rempli qui respiro l' bonne santé , important mes gins pour ché clients, i faut que ch' phramacien i so in bonne santé sinan commint qu in pourro accepter des médicamints et qu' li i s' ro malate ?
ch' préparateur chéto Roland, complet'mint l opposé du phramacien, quand que j' dis ch' préparateur, i éto aussi là pour servir ché clients
autant ch' phramacien i éto tout in rondeur, autant Roland i éto tout in hauteur
autant ch' phramacien i avo eune vo j' diro joviale, gaie, autant Roland i avo eune vo graffe
autant ch' phramacien i éto rasé au plus pret autant Roland i avo un bouc
autant ch' phramacien i s' déplacho avec aisance malgré sin pods, autant l' marche à Roland ale éto saccadée
faut dire que Roland i avo eune gampe raite, et y marcho pas nan, i semblo tanguer, j' dis cha sans moqu' rie zallez vire
in éto presque géné que se so li qui vous serffe pasqu in avo mal pour li del' voir es déplacher
imaginez qu' vous y aller al' phramacie avec vot' manman, et qu' vous voyez ché deux phramaciens, naturel'mint zallez pas et' attiré par Roland, quand on est tchtiot cha nous fait peur cha
pi quand té grandit quand que ti allo plus régulier'mint, té comprenno que Roland , i éto ptete plus pret sentimental'mint ed ses clients et qui faut jamais s' fier mes gins al' premiere impression .........