fourniau ou gaziniere ?
par minloute le, 22/06/2007gaziniere ! ale dira l' femme, pasque in va et' nostalgique au point d' incinser ch' fourniau quand même
meme si ché vrai i a bercé not' infance
ch' fourniau , si mystèrieux, et qui d' mindo tant d' soins..... armuer l' grille du fond pour faire déchinte ché chintes ed dins ch' bac
fourniau qu in avo toudis un peu peur qui s imballe quand que ch' vint i s ingouffro par el ' kéminée
fourniau qui obligeot a faire ché voyaches avec ch' séau a carbon jusqu ale barraque pi arvénir , pi arkarquer ch' fiu
fourniau qu in espéro toudis alleumé au matin quand qui faijo fro in hiver, sans que m' mère ou min père y so obligés d ' mette du papier journal dins ch' fond, pi ch' pétit bois, pi aprés seul' mint ch' carbon
faut pas oublier aussi l' poussiere qui dégageo, au grand dam d' ché ménagères qui faijottent ché poussieres plus qu à leur tour avec ch' t engin d' malheur
par conte ché vrai qui cauffo bin l' cuisine et que l' sam' di aprés midi quand que té devo printe tin bain dins l' espece d' grand bac plastique installé dins l' cuisine, s' caleur ale etote bienvenue
ch' qui avo aussi d' bin chéto pour mitonner ché plats, té métto l' marmitte so l' plus près du fu so plus loin si té voulo finir l' cuisson ou simplement récauffer
quand al' gaziniere, elle , ale eto vraimint apprivoisée, té l alleumo et juste aprés ch' plat i commincho a cuire, ou l io à bouillir
ale necessito pas d entretien, pi fini l' grosse corvée d' nettoyache del mazon, fini d' aller querre ch' carbon, nan t avo qu à alleumer ou freumer un bouton et chéto tout
oh ché vrai au début in dijo, ah l' cuisson ale est différente , ché pas parel que such' fourneau , mais quand meme faut viffe avec sin temps ........
par conte ch' fourniau i avo tro avantaches que l' gaziniere ale a pas et qu ale aura jamais
d abord l hiver té pouvo pinte tes draps ed dins l' cuisine, au miyeu del pieche, in auro dit napes , savez l' ville in italie ...
aute avantache du fourniau , pour cuire ch' sauret sur eune grille, chéto aut' cosse qu avec l' gaziniere ...
pi l' trosieme avantache, et chtilale ché évident, quand qu in éto tchiot, mi j adoro cracher sul' plaque au d' sus du fourniau, cha faijot pschiiiiiiiitttt, bin té peux toudis essayer sur l' gaziniere, cha fait rin du tout ....
ouais, pis y a eune cosse que minloute i a pon pinser, mais i dot s'in rap'ler comme mi, su chés fourniaux in pouvot mette des épluchures d'clémintines, pour parfumer el'cuisine, avec eune gaziniere, ché pon l'cas
pis l'hiver, in fésot bruler sul'fourniau des feulles d'eucalyptus quand in avot ech'nez bouché! ché eune odeur que j'aimos bin! et cha, ch'est pon possipe d'le faire sul'gaziniere!!
ché que des bons souv'nirs tout cha !
et y avot core un aute avantache à ch' fourniau, quand in rintrot l'hiver qu'in étot ing'lés ou qu'in avot les pieds fraiques , in s'asseyot in face , les pieds su l'porte ed four
et toudis l'hiver dinch'four in y mettot chés fameusses briques réfractaires, j'cros qu'in dijot cha, qu'in mettot après dins sin lit
et ch'café qui restot toute el journée au caud au bout del plaque
j'dis pas que tout cha ch'étot un reffe vécu, comme ed devoir mette des briques dins sin lit pour el récauffer mais comme in parle des avantaches de ch'fourniau à ch't'époque là cha n'étot un