parler patois cha fait d'z'illettrés!
par TIOT RITAL le, 23/06/2007Din l’Vox du Nord du 22 juin pache 44 , d’après un sondache fait su 10 000 peursonnes pa l’Agince Nationale dé Lutte Cont’ l’Illétrisme (A.N.L.C/I), in dit qu’i’arot in France 3,1 miyons d’illettrés aveuc in preume l’Picardie 8,1 % et in deusse l’Nord-Pas d’Calais 7,5 % ! Ch’est bizarre qu’in est toudis in preume din l’mauvais’té : l’z’illettrés, les kervés, les pusses chauffards ! Passons ! Mais chu qu’i m’a mis in rache, ch’est qu’l’artique dit qu’i arot 29% d’illettrés dins les gins qui palent foque leu lanque régionale ! Ouais 29% ! In crot rêver ! Et ch’est vrémint bizarre pasqu’in Alsace, eine région dus qu’in pale gramint s’lanque régionale i’arot foque …5,3 % d’illettrés ! Alors mes gins , écrivez chu qu’vous pinsez à ch’ Vox du Nord. ! In n’d’a assez ed passer pou des biecs-bos !
Tiot Rital in rache