l'ducasse d'Anno (Annay sous Lens), eune canchon

1
L'aut'jour, in, m'in allant
A l'ducass'd'Anno,
Acoutez quéll'avinture !
J'rincontr' tout d'in cop
Inn' jonn'fill' qu'all'avot
Du brin d'judas plein s'figure !
Sapristi, qu'je m'sus dit,
Comme all' est bin mis
Qu'all a-t-y d'biaux habits !
In l'suivant j'arbusios
Qu'min père i'm'di jot :
Ch'est l'pleum' qu'all'fait l'osiau !
All'avot un biau casaquin,
Garni d'vélours tout à l'intour,
Et des sornets à blancs boutons
Avec un cotron rouch' Moll'ton
Tout in l'suivant, j'disos 'Cré Nom !
Qué bell' jonn'fill', qué biau profil "
J'sintos min coeur dins m'nestomac,
Qui f'sot : TIC-TAC ! ...

2
Eh, Mam'sell', que j'li dis,
V'nez-vous avec mi,
J'm'in vas tout drot all'ducasse.
A mon dé m'tant'Lalie,
Si qui n'y a point d'roti,
Y ara tout l'temps bin dél'fricasse
Pis, c'taprès'm nous irons
Tout in nous promenant
Faire un tour au grand. salon !
Ej'veux bin, qu'all'me dit,
J'connos personn'parchi,
J'veux prindre du plaisi. I...
Là d'ssus, mi j'sus dev'nu plus franc
J'l'imbrassos d'ssus s'bouc' et d'ssus s'front
All's'laichot faire !...
Ch'étot m'n'affaire !...
J'li disos : " es'soir, nous rirons,
J'te frai minger des macarons,
In tirr'ra pour des caramels,
Sur inn'Candell' I...

3
Aussitôt arrivé,
Ej'l'ai présintée :
Et j'dis à m'tant' : ch'est Cath:'rine,
Fill'dél'parrain D'siré,
Et dé m'marrain Zoé,
Qu'all'étot servante à Lille "...
All'nous dit ! mes éfants,
Tout in nous imbrassant,
Fait's ichi comme à vous mason,
El'soupe all'est servie,
Et sans cérémonie,
Fait's vir vous n'appétit !"
J'défais m'paltot, nous s'attablons,
In attaqu' d'abord ech'bouillon !
Gno del'viand'cuite,
Plein eun marmite !
Ch'est vrai qui n'y avot point d'guimbon
Mais gno des truff' plein un caudron !
Un peu ed'cha et d'l'appétit
In bourre ech'fusil ! ...


4
V'là l'déner terminé
In s'in va s'proméner ...
In rout'j'alleume un chigare
In va à tourniquet,
Et pis tout d'chuite après,
Nous montons à balançhoire
J'sacos tant qu'ech'pouvos
Vu qu'cha l'amusot...
Ch'tot nous qui montot l'pus haut
V'là t'y point qu'tout d'in cop, i
Qué j's'ins dins mes boyaux,
Quét'cos' qui armuot !!!
Les tourniquets, les balanchoir's
Et pis tout l'feumée d'ech'chigar'
Faijeott' d'em'tiête
Eun girouette !
Tell'mint qué j'faijeos des efforts,
J'sintos des douleurs plein min corps !
T'd'in coup, min coeur, inn' fait u'un tour
(OUHEE ) Tout dins s'n'écourt !

5
All' déchind d'éch'cadeau
In m'traitant d'bec-beau !
Mi, j'y faijos mes excuses !
Et Pli dis " Nom de Dieu,
N'm'arrach' point les yeux,
Heureus'mint qu'y n'n'à point d'plusse
J'nai rien mingé d'trop gras
J'cros qu'cha n'tac'ra pas !
Viens chi, qué j'vas t'torquer cha !
Rintrons chi, n'import'du,
Un coup d'lavett' là d'ssus,
Cha n'sy paraîtra pus !
All' me traitrot d'grand dégoutant
Zieut'comm't'as arringé m'cotron !
Eun' si biell robe !
J'étos si prope !
J'n'oseros pus rintrer à m'mason !
Em'mèr' all' va m'tuer à coups d'ramon !
All' me traitrot ed' vagabond !
PI all' fout l'camp ( ET J'L'AI PU JAMAIS REVUE )