l'soufleusse
par potié vital le, 25/06/2007A Vermelles y avot eune souffleusse pour chés dints
Quand in avo d'mau à ses dints in allot l'vire minme quand in étot grand
un coup in étot à l'piscine et Francis i a eu d'mau à eune dint, in a été l'vire in arpassant, al a soufflé su s'joue in faijant eune prière secrète
ch'don qu'al avot al le ténot de s'mère, chétot tranmissipe
au n°3 j'avos eune voisine madame Sintive al soufflot chés brulures
un coup m'pétite soeur al étot assise su l'pétite porte de l'cuisinière al s'a arlèvé au même momint que m'mère al prénot l'castrole d'lait bouillant su l'cuisinière
al n'a eu su s'tête m'mère al a couru vire madame Sintive
al à fait ce qui fallot
M'pétite soeur al a perdu ses caveux mais i ont arpoussé
à Mazingarbe i a eu un homme qui avot un don pour soigner chés bêtes, mais j'laisse l'soin au comité historique de d'nous in parler, Barabette chétot sin nom
dins vote coin i n'avot ??
Ej dos vous raconter cha que m'mère ale m'a toudis expliquer : quand j'étos toute pitite, j'ai fait des convulsions et pris d'panique m'mère ale a appelé un "arbouteux" qu'on disot à Calonne Ricouart (elle s'rappelle pu d'sin nom).
Il a passé s'main sur min corps ed bébé et i a insisté sur m'tête. I paraît que j'avos m'tête, mes membres artournés et mes yeux artounés aussi. I a insisté sur m'tête avec s'main. Dins cop dins seul, je sus arvenue à mi et j'ai eu sept dents de lait en 24 H et d'timps. Ej vous raconte cha que m'mère ale m'a toudis dit. Ale a jamais eu aussi peur m'maman.