Les jardinsl'porte décorée
par LA CLO le, 27/06/2007Din min coin in Corrèze, quand l'jone file del mason s'marie, in met à l'entrée de l'mason ou du quémin qui mène à s'mason in tiot genêt, décoré d'fleurs in papier.
Et cha m' fait r'pinser aux mariaches polonais du qu'ches portes ale z'étotent décorées par des rubans d'fleurs ed toutes les couleurs. J'trouvos cha bio qu'mes copines, mes voisines, ale passotent l'seuil d'leu maison sous ches fleurs. Quanque min tour est venu j'ai voulu aussi des fleurs, cha ne s'faisot pas chez nous, mais j'ai eu un voisin (qui l'savot qu'avot querre cha) qui est venu l'matin em mette plein d'fleurs autour de m'porte, après tant d'années j'y r'pinse et i m'avot fait là in bio cadeau. Pourtant ch't'homme là cha n'étot pas l'modèle du grand sentimental, ch'est p't'ête pour cha qu'cha m'avot fait tant plaisi.
