Les jardinsfamille nombreuse
par LA CLO le, 27/06/2007In avot des amis qui restotent dins un coron de Méricourt dù qui avot un groupe ed grandes masons réservées à ches familes nombreuses.
L'amie d'jeunesse de m'mère ale a eu 13 infants. Inne superbe famile, j'ai des souv'nirs avec eux, extraordinaires, les grandes tabes pas b'soin d'vous l'dire, un d'plus ou un d'moins cha s'veyot pas.
Mi qui étot file unique à l'époque j'étos sur inne aute planète. Y a eu des matchs ed'foot interminabes, ches équipes ale z'étotent vite formées avec les tiots voisins, tous ed' familes ed 10 - 12 gosses.
In allot glaner ches pétotes dins des champs voisins, que d'bons souvenirs.
J'séros bien continte si quequ'un pourrot m'dire si ches masons là existent toudis et si i avot d'autes corons réservés aux grandes familes, mi j'connaichos que ch'coron là.
mi j'avos jamais intindu parler d'chés maisons là, m'grand mére al a eu dix infants vivants, et i dormotent dins deux chambres filles et garchons séparés, et ché parints i dormotent in bas din l'piéche ed devant
souvint avec ch'tiot dernier dins un tiot lit et tout cha ch'éto muché derrière un paravent, méme par la suite quand chés zinfants i sont partis, ch'paravent li i est toudis résté
grand mére al a vécu dins s'maison des mines pindant au moins 50 ans et aprés al a eu eune tiote maison d'pinsionnée juste ed l'autre coté de l'rue in face de s'premiére maison, al est morte à plus d'90 ans ch'étot eune vraie figure ed sin quartier!!!
