ch' café del rue anatole france
par minloute le, 02/07/2007ch' café del rue anatole france i éto tenu par mr vanvimersch
mi j a jamais rintré d' dins
nan, in avo dro à des phrases symboliques, toutes faites, qu aprés té pouvo pas discuter
comme ché frites ed ché ducasse "nan in nin print pas, pasque ché fait avec l' graisse ed queue d 'bidet" allez dire quéquosse aprés cha
ch' café aussi, "nan ché nin in endro fréquentape, ché zommes qui sont d'dins i dépensent ché sous du ménache, pi i sont toudis souls"
faut dire que gamin , quand que je passo d' vant ch' café , qui faijo caud et que l' porte ale éto ouverte, in sinto l' odeur del biere such' trottoir, in intindo ché rires gras, comme diso m' mère, pi i voyo, ou plutot in d'vino qui i avo un sacré paquet d' finquée ach' plafond
j a dis in d'vino, pasque chéto nin facile a vire ed' dins, pasque m' mère quand qu in passo d'vant ch' café, am' serro l' main plus fort, et in accelero l' pas , alors les imaches que j a pu avoir dech' café , cha a toudis été des imaches volées, tiré d un coté par m'mère, et m' tiete penchée d' l aut' coté .....