l' rideur digeste

zavez connu cha j' su sur, d ailleurs cha existe cor, ché liffes du rideur digeste, ah chéto cor facile à lire, vu qu' chéto des extraits d' liffes ou d artiques scientifiques

meme ché publicités ale zétotent pour ech confort, tabes et caielles arvetues d' formica, in vinto aussi ché gazinieres, et pi l' cuisiniere, que tout cha cha donn'ro un sacré gain d' temps a ché ménagères, temps qu ale pourrottent consacrer à s' pouponner pour accueillir leu maris qui rintrerottent du traval , mates, mais heureux du salaire qui zavottent et qui leur permettotent d acater d' nouviaux équip'mints ménagers .....

j' me souviens avoir lu d' zartiques d' ché journeaux là et cha vinto l' progrés, l' confort américain
pas grinmint d artiques favorapes à ché russes, ah faut dire qu in sorto à peine del tension qui y avo eu avec ché fameux missiles qui devotent et' mis in plache à cuba

mais faut dire , qu inconsciemment, ch' modéle américain, in voyo qu' cha
dins ché bandes dessinées, comme rintintin, que j' liso grinmint, ché gentils blancs qui étotent trahis par ché zindiens, qui pillotent ché fermes ou qui attaquottent ché charriots
faut dire aussi qu au cinéma et al' télé , ché ouesternes in n in voyo eune floppée, et chéto radical comme dins rintintin ché gentils d in coté et ché méchants indiens d' l aute ....
in a été berché par john wayne, par des flimes comme la prisonniere du désert, fort alamo , rio bravo ....

pi ché rubriques scientifiques, à les acouter et à vire c' qu on a fait, bin in est d' sacrés bricoleux, pasque dins ché liffes d' 1960 1965 , en l an 2000 , in s déplach'ro in fusée, pi là in est cor dins ché bouchons, in auro djà installé des stations espatiales su mars, et in est seul' mint in train d' y busier
par conte, ché russes, chéto comme ché zindiens, tous mauvais, y a qu a suiffe ché flimes d espionnaches, d' franchis'mint du mur ed berlin ...........