merlimont l' diminche
par minloute le, 04/07/2007djà l été y yavo du monte à merlimont, faut dire que chéto l' destination d' vagances d' grinmint d' gins , dépays'mint complet à moins d' cent kilometes des corons
d' l iote dins ché poumons, chéto "l' paradis des infants ", chéto le slogan d' merlimont plache
d ailleurs quand qu' min père in a comminché à quitter l' nord pas d' calais pour aller en auverne, dans l ain, dinch' périgord , y avo des gins qui faijotent des zius étonnés, mais quo qui vont trouver là bo d' miu qu al' plache ?
j a un souv'nir qu in rincontro rar'mint des carettes avec l' meme plaque miralogique, alors quand qu in croso in 62 in s' klaxonno
in faijo pas cha pour ché 59, pasque j' sais pas pourquo mais ché 59 chéto pas comme nous ...
et chéto cor plus vrai l' diminche à merlimont, té pouvo t' mette al' barriere del mason et raviser passer ché carettes, à partir d' onsse heures, chéto qu eune queue d carettes tout au long d' l av'nue d' la plache, et grinmint d' 59 , nous in allo al' plache a pied l' diminche, pasque ché plaches ed parkingue ale zétotent prisses d assaut, pi comme i passotent l' journée là , t éto sur qu eune plache occupée ale éto pas pret d' ete libérée... in n a meme qui mingeottent au cul del carette, hayon arriere ouvrée, ché gins assis so au bord du coffe, so a croucrou , so sur des caielles pliapes , such' goudron du parking, et y avo l' indispensape glaciere qui y trono
l' soir à partir d' 18h et jusqu à tard, cha y est cha r'parto dins l' sens inverse .......