ch' p'loton
par minloute le, 07/07/2007savez dja suivi des courses cyclistes, j in su sur, l' plus frustrant d abord ché d attinte, t attint, t attint, t as invie d aller picher, mais té t ' artiens pasque té peux et' sur que ché quand té such' trone que t intind passer ché klaxones d' la caravane, et là té peut pas courrir al' porte avec t' maronne à tes g'noux , d abord ché pas pratique, pi cha f'ro un sacré désortre dinl' caravane, (j' do vous dire que ché nin évident d' buquer su ché touches, avec ch' cat installé juste devant l écran) nan in attint, in tint sin cou, mais in rale pasque plusieurs métes avant in' n a d autes qui ont eu l' meme idée, alors té met un pied sul' route, là t' eut' fait ingueuler par t' mère qui t'vo djà , jésus marie joseph, écrasé par eune moto ou eune carette
ah les vla nan ché ché motards, cha d' vient bon, ah i do y avoir quéqu un vu que ché gins i zapplaudissent ...... ah pas l' temps del vire ou a peine, i dévale djà l' cote vers les quat' chemins d' labussiere
bon in attint pi la ché du sérieux, té vo ché motards avec un qui fait l équilibrisse d'bout à l arriere avec un drapio rouche, et là les vla , t intinds comme un drole d' bruit qui s approche, un bruit metallique, pas trés fort mais réguyier, ché ch' ploton qui roule en groupe, t as peine l' temps d essayer d' arconnaite un courreur et d' vire ch' maillot jaune que té vo pu qu' leu cuissards qui déchintent l' cote, cha y est l ' voiture balai ale est juste derriere, bin t as pu qu a rintrer at' mason, chéto eune sensation forte mais furtiffe
in a a peine eu l' temps d' les vire , comparé cha avec l' temps qu in a attindu l' jour meme et qu in a s'riné ché parints pour et' sur du jour du passache, ché ptete pas grinmint fort payé mais cha laisse quand meme ed sacrés souv'nirs, la preuffe