Les jardinsnot'copain d'l'été!!!
par annie62110 le, 09/07/2007ach't'heure din toutes ché maisons i a des congélateurs,et l'été y sont souvint bien garnis surtout d'glaches,in a des cornets,des skis des bacs ed toutes les couleurs!!
si vous d'mandez à un tiot si i veut eune glache vous i coupez pas "i a quels parfums???,si i a pas chocolat j'in veux pas " disons qu'vous risquez d'rester avec l'fraise ou l'vanille!!
din les années cinquante,in habito derriére l'hopital ste barbe à fouquiéres,j'avos 8 ans et m'tiote soeur 4,et l'été not meilleur copain ch'éto "ch'roux i vindot des glaches" et su ch'plan la in éto pas gatés,ch'est tout juste si in comminchot à vire des frigos
quand in intindot s'moto avec s'carette à glaches à l'avant et s'trompette in t'not pu à plache
oh!!in d'mindot pas,mais in s'disot qu'avec in tiot peu d'chance not'mére al allot i faire signe ed s'arréter,et quand cha arrivot,in restot au bord du trottoir sans bouger et in attindot not'cornet spécial,comme i nous aimot bien in avot toudi un cornet qui avot l'air d'eune gaufre roulée i étot aussi bon que chelle glache,et croyez me in l'mingeot pas trop vite in n'in profitot
comme in dit "autre temps autres moeurs"
