la brioche de noel
par minloute le, 12/07/2007le jour d' noel au matin, in mingeo del brioche, oh rien d extraordinaire achteure tin trouffe dins tous ché rayons des supermarchés, mais ach' t époque, oh ché nin si vieux qu' cha quand meme dans les années 60 , nousin in mingeo qu ach' momint là avec del confiture ed sus mes gins
j dis pas qu in vivo comme au temps de germinal, loin d' là, mais chéto nin dins ché zabitutes
quand j in minche ed temps en temps cha m' fait toudis penser a chte périote
ché j' pense l' différence inter achteure et avant, in a vécu à eune périote du que tout y a explosationné dans not' vie ed tous les jours
in a des souv'nirs d avant ché frigidaires, les gardes minger al' caffe qu in freumo bin avec l' tirette pour pas qu' ché bietes i rintent ed dins
in a connu avant et aprés l arrivée d' la télé, et inconsciemmint j' pense qu in trouve cha toudis un peu magique, j' parle pas des programmes, mais du fait d in avoir eune , deux , tro
qu in a connu ché flimes noir et blanc, allez d'minder à un jone ed vire un flime noir et blanc .....
in a connu ché tourn'disques, pi l arrivée des magnétophones, des magnétophones a cassettes, l' sommome pour nous , pi aprés i a eu ché vidéo cassettes, ché cd, le net, wifi .......
ché vraimint eune facon d' consommer qui a évolué en queques zannées alors ché vrais quand qu on raconte par exempe l' arrivée del' télé, nan , du poste de télévision , al' mason, in passe pour des neuneus aprés d' nos infants
t inquiete min fiu, té s'ra aussi dépassé dins eune paire d années, quand té racont'ra l arrivée d' internet , cha semblera aussi ringard pour tes tchiots infants