Les jardinsm' mère jongleusse professionnelle
par minloute le, 19/07/2007m' mère ale auro pas pu travailler dins zin cirque, vu que déjà quand qu ale devo faire del poutre a l école avec mr duriez professeur ed gymnastique, ale li arracho eune paire d' poignées d' caveux tel' mint qu ale avo peur
donc tout c' qui éto équilibre ale pouvo pas l' faire, alors quo qui reste, dompteusse, nan ale avo dja min père à gérer au quotidien , alors jongleusse zallez dire ? ah bin nan , alors cha nan, ou alors jongleusse mais jongleusse pas douée
ah combien d assiettes, de bols , d' plats qui ont comme diro min père "valdinguer" à travers l' cuisine .......
quand cha queyo min père i dijo "allez pim pam poum, blinlinlingue " pi grand silence, min père tout en étant dins sin fauteul d' vant l' télé i dijo , sans s' déplacer "ché quo ?" alors m' mère ale dijo , ché ch' plat, ché un bol , ché chichi ché chela , et min père i dijo toudis "ché rin ché pas graffe cha s' racate"
pi cor comme dijo m' mère ale s est améliorée, car au début d' leu mariache , ale vivo chez s' belle mère et commint in pourro dire ché que ch' courant i avo du maux a passer et pourtant ché pas pasque ché m' mère mais ale f'ro pas mal a eune mouque
ah si y a des coups , aprés que m'mère ale a dit s' phrasse favorite " j 'sais pas commint j a fait mon compte" qu' min père in souriant i li dijo "in va tout racater in plastique"
