l'électricité et ché bougies
par Marie-Claire le, 25/06/2005J'em souviens qu' quand in étot jone, y avot l'électricité bien sur in n'est pas si viux qu'cha ..., mais faut bien dire qu' y avot souvint des coupures d'courant.
In avot gramint moins d'apparels électriques cha perturbot moins qu'cha s'rot ach't'heure, mais l'problème essentiel chétot donc l'éclairache l'soir et l'matin. Tant qu'à faire cha arrivot plus souvint l'hiver dû qui féjot nuit, cha devot ete l'explication des coupures d'ailleurs.
Alors in avot toudis eune réserve d'bougies et fallot bien savoir dû qu'in les mettot pour les treuver dins l'noir quand in n'avot b'soin.
Mi cha m'pléjot bien ché soirées al bougie. Cha durot queque fos longtemps, toute el nuit et cha pouvot arriver jusqu'au lend'main matin.
D'pis j'a toudis eune réserve d'bougies par habitute. Mais j'em m'souviens pus m'in ete servi.
Mi je m'rappelle que quand que l'émission ou l'film qui passot i étot fini alle télé, tout l' monde i devot l'éteinde à peu prés in même temps, parc'que d'in seul cop, té voyos l'lumière dev'nir plus forte.