un tiot circuit dins min coin

J'a ram'né gramin d'photos d'min séjour dins l' Nord Pas de Calais in juillet dù que j'fais core toudis des découvertes, et j'a du ma à treuver el temps ed m'in occuper et d' mette ed l'orde dins tout cha , et pis j'a pas mal ed photos d' corons , Grenay et ses cités 5, 11 et 40, Divion, Houdain et queques autes mais asteure min souci ch'est d'armette ches noms des rues sur ches photos, pas simpe même in ayant pris des notes !
J'sus aussi passée à Bruay et à Liévin mais là in a des espécialistes d'sus l'site , quoique j'a pris des photos à Lièvin que j'vas mette quand même

J'a pas que des photos d' corons, j'a passé un momint à Lille aussi , j'in parlerai un tiot peu passeque ch'est vraimint eune trés belle ville, superpe archtitecture y a des "trésors" sur ches façates à tous ches coins d'rues, si os allez à Lille marchez el nez in l'air .. et eune ville trés vivante, enfin mi j'a ker Lille
J'a fait un tiot tour aussi à Béthune, Arras, Oignies, el route du patois (j'a déjà mis ches photos), Vimy etc ... et in Belgique mais là j'vous mettra pas d'sujets ... et dins l' Douaisis, de Douai jusqu'à Anzin in passant par Aniche, Denain, Wallers Arenberg , partie est du bassin minier que jé n'connossos pas

V'là un tiot résumé simplifié ed 10 jours dins min coin à naviguer toute el journée et intre nous in a gramin parlé du mauvais temps j'peux vous dire que j'a eu qu'eune journée d'pleufe intière
Donc pour vous dire que tout cha cha viendra au fil du temps et que j'a core aussi des photos d' l'année passée que j'a jamais eu l'temps d'mette su l'site ..
aujourd'hui j'a comminché, j'pinsos faire dins l'orde d'mes visites mais cha sert à rien, j'fais à l'inspiration du momint