Qué ch'est triste eun' termisse .
par kiki le, 31/08/2007Relais est heureux de présenter à ses lecteurs ce poème de M. Charles Clément, ingénieur retraité, ancien chef de Siège à Lagrange.
Qué ch'est triste eun' "termisse" quand eun' grosse taille est morte
Qué ch'est triste eun' termisse, du jour qu'in n'y querche pus
Elle fait pinser au temps duss' qu'el coupe al tot forte
In querchot, à grands coups, les carbons abattus
Qué ch'est triste eun' termisse quand el hiercheux s'arrête
D'y quercher des grosses balles, des grosses balles à talus
In n'intind pus l'potin du pousseur qui halète
Qué ch'est triste eun' termisse, du jour qu'in n'y querche pus
Qué ch'est triste eun' termisse, tout couverte ed' poussière
Tout près d'un téléphone qu'in n'intind pus sonner
Elle tind ses deux grands bras comme pou faire eun' prière
Elle attind les équipes qui vont v'nir " demant'ler"
Qué ch'est triste eun' termisse dont l' grande trappe immobile
N'va pus vir' s'arrêter ni gaillettes ni menus
Les couloirs sont rouillés et l'taquet inutile
Qué ch'est triste eun' termisse, du jour qu'in n'y querche pus
Qué ch'est triste eun' termisse vivant ses heures dernières
Qu'in va bétot r'monter, comme un blessé, vaincue
Couchée sur plat truck comme ed' sur eun' civière
Elle va artrouver l' "jour", hélas ! elle est perdue
Elle a tellement d'blessures sus s'carcasse tout entière
Qu'in va juger qu'pour elle, les soins, ch'est superflu
Et l'flamme d'un chalumeau va finir es'carrière
Qué ch'est triste eun' termisse, du jour qu'in n'y querche pus
Relais nr 152 Dev 1983.