Les jardinsRintrée à l’grante école
par TIOT RITAL le, 02/09/2007Ch'est l'rintrée des classes. Pou cheulle d'la grante école, i'a des jonnes qui ont l'frousse et braitent quaind i foot rintrer mais i n'd'a qui sont joïeux pasqué leus parints l'z'ont bin préparés. ch'est l'cas du tiot Bruno :
Rintrée à l’grante école
Habile, Bruno i’a déjouqué ! (est sorti du lit)
Corps pis s’figure i’a nettié !
Et mingé tiote quéniole !
I va rintrer à l’grante école !
Su l’quémin i’est dallé,
sérieu comme un abbé,
arderchant s’tiote blonne (blonde) tiête
d’ses 6 ans, tout in fiête !
Su sin dos belle carnasse,
à ses pieds nuèves godasses
et su li, maronne à fleurs,
belle kémisse plein d’coleurs !
Din s’carnasse, i a plein,
des crayons ,des cal’pins,
stylos à pleume, un cahier
et blanque gomme pou nettier (nettoyer ,ici gommer)
Et din s’tiête, biau busiage (pensées)
pou faire belle ouvrache,
in carcul, in grammaire,
comme i’a fait sin grand frère
Pou Bruno, queul biau jour,
Ed rintrer din l’grante cour !
Sin cœur buque eine milette (un peu)
mais i sorit à s’jonne maîte
Tiot Rital
A TIOT RITAL, chapeau bas, c'est un plaisir de te lire à chaque fos et je peux te dire que j'arcomminche, tellemint qu'cha m'plait.
Adé et merci d'nous écrire tout cha.
