el ducasse du vieux marché

el semaine chi ché l'ducasse du vieux marché à Bruay, malheureusemint in n' peut pu appeler cha eun' ducasse ché comme celle du 3 y a pu rien y a tout juste un manèche et 2 lot'ries mais vous pourrez toudis vous consoler ech t'année y a l'corso fleuri ...

Un manège et 2 loteries … cha n’fait pon eune ducasse. Du qui sont tous nos forains d’alors cha partot d’el côte ed’l’abattoir yavot l’grande friterie André qu’elle s’appelot si j’em’souviens ben pi in bas in prenant l’rue Marmottan ch’biau camion dech marchand d’nougat là par conte j’ai l’mémoire qui flanche pour sin nom ya ben quéqu’un qui va s’in rappler ? et su’l Plach’du Vieux Marché toudis ché trois manèches : « quévaux d’bos » (superbe ech manèch là !) ché « ptits batiaux »« ch’forain in l’applot Mickey sais pon pourquoi j’étot tiote et ché « grands » li donnotent un coup’d’main pour s’installer…pi s’in aller forchémint.
Pi yavot el superstar del ducasse j’parle d’OSCAR !! yavot sin manèche d’avions et pi ses loteries « ché Oscar » i s’appelot De Peter; yavot s’famile intière qui travaillot avec li, s’roulotte al étot bin grande et couleur jaune et à l’interieur chétot l’grand luxe j’étos émerveillée ed’vir cha s’femme al étot formidape ; i zétotent ben gentils ché De Peter apres l’ducasse i restotent là un peu in vacances et chétot des amis pou’ch’quartier.
A côté del’caserne ché pompiers yavot les autos tamponneuses pi quéqu ‘loteries plus loin un manèche pour ché tchiots et d’autes loteries é jin passe cha prenot un sacré bout del rue Marmottan ! apres ché avions d’Oscar ya eu ‘l’chenile qui balot cha passot sous nos fenêt’ed’chamb cha faijot du bruit et avec el musique en avant l’ducasse !!!! et ch’corso fleuri, ché majorettes, ché Gilles ed’Binche !
« Nostalgie quand tu nous tiens » mais c’est souvent répété : merci Nounours94 d’en avoir reparlé et que celles et ceux qui iront aient une « tite » pensée sur ce qu’elle était avant cette ducasse…Bon week end mé gins.