el voïache pou l'éternité
par TIOT RITAL le, 14/09/2007El voïache pour l’éternité !
Mes gins, j’ai gangné à un concours ed mots fléchés ! L’mot muché (caché) ch’tot : Bon Voïache ! Hier, eine feimme m’a téléfoné aveuc eine vox (voix) chucrée (sucrée):
– Ch’est vous l’gangnant du concours d’mots fléchés. Vous avez gangné un grand voïache !
– Cha alors ! Et duss qué j’vas ? In Italie ? – Nan ! Pu lon (loin) ! – In Egypte ? – Bin pu lon !
– Bon alors in Novelle Zélante ? – Cor pu lon ! - Ch’est mie possipe, pour nous l’Novelle Zélante, alle est i’est aux Antipodes dé l’Tierre, in peut point daller pu lon ! - Qui vous parle dé l’Tierre ?
– Mais quo qu’j’ai gangné ? – Ebin el grand voïache qu’in fait foqu’eunne fos din s’vie, el voïache pou vir (voir) …l’éternité !
J’fersonnos (je frissonnais), j’avos gangné min interr’mint gratuit ! Et l’feimme alle continue d’parler :
- In vous donne des avantaches si vous prénez l’voïache avant tros mos (mois) !
- Nan merci ! J’sus point pressé ! Au fait quo qu’cha n’est qu’chés avantaches ?
- Ebin el voîache i’est bon pou 2 personnes !
- Bonne novelle ! Marquez m’belle mère pis à m’visin l’grognou (grognon) comme cha …bon débarras ! Commint ? Ch'est mi qui dot faire el voïache ?
- Ouais mais tout seu (seul) ocore à deux, arrien n’impêche d’organiser metnant vot’ voïache !
Vous vous rindez compte ? Achteur in gagne des intermints din eine gazette ! Imaginez chu qu’in porrot (pourrait) gangner ! Qu’es t’as gangné ti ? - Un séjour à l’hopital ! – Et ti ? - Mi ,8 jours ed vagances din ein asile ed seut (fous) ! ocore (ou encore) el drot dé s’brisier eine gampe ! Ocore happer (attraper) el grippe à viers ! Et in organis’rot tout cha d’avanche !
L’feimme alle continue: - El caisse, vous volez commint ?
- El caisse ? Cha donne frod (froid) din l’dos ! J’in voudrot eine isolée ! Nan ! J’cange d’avis, j’veux êt’ dins ein lincué (linceuil) comme nos frères musulmans !
- J’ peux point ! Ch’est marqué eine caisse in bos (bois) !
- Bon alors cha s’ra eine caisse in poupier (peuplier) …d’Italie bin seur !
- Aveuc des appoïettes padzou l’tiête ? (avec des appuie-tête sous la tête )
-- Bin seur à causse des torticolis pis ein coussin pa dzou mes cantiaus (fesses) !
- Queulle coleur ? Gaune (jaune) ?
- Nan ! Ch’est l’coleur des cous (cocus) ! Vierte comme l’espérance …d’éternité. Pis j’voudros des cauchettes (chaussettes) point troées, un passemontane, un caneçon moltonné ! I fait frod là-vau !
- In l’fra ! Achteur pou l’cérémonie ed départ, eine messe ?
- Ouais mais eine messe aveuc un curé, un pasteu, un pope, un imam, un rabbin, ein lama qui diront insanne (ensemble) des prières ! Aveuc el chorale d’l’Amicale laîque pou l’zé faire immarvoyer ! (faire enrager) Pusse el fanfare des gartes républicains à qu’vau (cheval) pou juer l’Marseillaisse !
- Bon, in f’ra tout cha mais queul avion vous voulez pou daller in Amérique ?
- In Amérique ? J’pinsos qué ch’tot l’voïage pou l’éternité ?
- Ouais mais in preume (pour commencer) i fot printe (faut prendre) l’avion pou daller au cap Kennedy. Là, in vous mettra din (dans) eine fusée ! Queulle sorte ed fusée vous volez ?
Mamère el cercueul ch’est eine fusée ! Imaginez din quèques années, in verrot din l’ciel toutes sortes ed fusées ! Alors ej dis à l’feimme, l’vo tranante (tremblotante)
- Eh bin j’ai gangné un interr’mint vrémint original !
- Un interr’mint ? Qui vous pale d’interr’mint ? Vous avez gangné un voïage din eine fusée pou daller vir l’éternité autermint dit pou daller vir l’z’étoiles !
- Ah vous m’avez donné l’bleusse frousse ! Mais alors el caisse, l’messe ?
- In appelle caisse l’habitaque (habitacle) dé l’fusée, el messe in in dit toudis eine pasqué (parce que) ..
- Pasqué quo ?
- Pasqué in a du carburant pou l’voîage aller mais aveuc chés restrictions, in est point seur (sur)dé n’d’n’avoir pour l’artour (retour) !
Tiot Rital