Les jardinsché jones d'el rue verte (3)
par oli6283 le, 16/09/2007Victoires et déboires dins l'rue verte.
Mi aussi j'étos memp'de ch'clup !
Habitant l'rue leverrier, ch'étot obligé... hein !
Non seul'mint y avot tout ch'l'arsenal pour z'attaquer ou pou s'défint', mais in a treuvé eune arm' redoutap', pétét' Minloute y s'in rappelle.
Dins l'rue verte, quand chés ennemis y juottent au foot, in haut de ch'talus, nous in s'muchot au pus près d'eusse, avec des russ' éd' sioux, in avot des pétotes, in y faijot un tro avec eune bout d'branque, et in mettot un pétard à mèch' éd'dins. Y'avot pu qu'à z'alleumer et pis vite les jechter pas d'zeur, su' eux. Cha pétot comm' des grenat'(et pis chés morciaux d'pétotes, cha fésot vraimint du mau)...
Jusqu'au momint du qu'y n'a un qu'a fait long-feu, ch'est mi qui l'ténot l'pétote , et y'a arrivé cho qui devot arriver, cha a pété dins m'main. Bonjour chés cloques ! rien d'trop graf' heureus'mint, mais... pour rintrer à m'maison et éspliquer cha avec des carabistoul, ch'étot perdu d'avanche. Ch'coup là, Minloute, j'ai pris l'seule torgnol' équ'min père y m'ait jamais donné. mais ch'tot eune bonne.
Bilan: pus d'vélo et privé d'sortie pendant un mos...
In étot vraimint tous des anch' quoi !
