T'as d'jà ein an !
par TIOT RITAL le, 22/10/2007Comme l’temps passe vite ! D’jà eine année,
qu’té v’nue au monne, qu’t’es née !
Les jours, les mos i sont dallés
Et té dév’nue eine belle poupée !
Tes noirs caveux alintour d’et’ frimousse,
Té l’z’a cangé, tiote filousse !
Achteure, i sont blonds comme les blés,
padzeur d’bleus yux comme eine fée !
Arderchant t’tiète, pleine d’asseurance,
té prinds achteure et’ n’indépendance :
té vas à l’avinture d’un pas saccadé,
vers el cuisine et salle à minger !
Fodra mucher l’eau d’Javel,
Les biblots et pis l’vaisselle,
Obin l’zé mette sus eine planque pus haute,
A l’abri ed tes tiotes ménottes !
Su tes gampes pas cor certaines,
Té c’minche à faire ed tiotes ferdaines.
Attintion à ti ! I’a plein d’dangers,
Escayer, cuisinière, l’électricité !
Mais ti, aveuc et’ bouque à 4 dints,
Té ris d’nos frousses si douch’mint,
qu’not cœur i fond comme ein caramel !
N’soris point comme cha, jolie belle !
Tiot Rital