Les jardinsjeux d'enfants
par LA CLO le, 29/10/2007Jeux d’enfants
….pas tant qu’cha….
j’ai d’jà raconté que quanque les pétotes ale z’étottent artirées du gardin j’avos l’drot d’juer avec m’tiote voisine.
Alors, in s’installot, in traçot l’cuisine, l’chambe, m’mère ale me faisot inne tente avec un escabeau arcouvert d’inne couverture. Nos poupées bien rangées in juot des journées entières, l’soir in étot bonnes à passer au baquet tell’mint in étot des tiotes crapettes.
Histoire normale pour des tiotes files ed corons,
ouais mais m’mère ale m’a fait rappeler y a pas longtimps aute cosse :
« te t’souviens quand in vous a guettées avec ches voisines … »
in étot rallongées à plat vintes toutes les deux m’copine et pis mi, in train d’hurler dins in tiot trou fait dins l’terre
des « Papa ! Papa ! tu m’entends ! t’es en dessous ! et in leur parlot »
et m’mère qu’ale rajoute : « et vous avez soutenu toutes les deux qui z’avottent répondu. In tout cas nous in avot bien rigolé »
Ch’est pas mignon cha !
