Les jardinsel pétite gaillette
par potié vital le, 06/11/2007Quand in s'arnallot du front pour armonter in passot devant ch'train d'balles qui attindot à l'accrochache et in prénot eune pétite gaillette
faut pas rêver au dessus d'chés balles chétot souvint du fin
faut dire que eune berline vide ché un barrou, eune pleine ché eune balle
et ch'train in roulant i tassot tout et au d'seur chétot des fines et l'balle à moitié pleine souvint
armonter des balles à moitié cha coutot
à l'trémie in vibrot l'balle quand al étot pleine al fondot d'moitié et in arcarquot d'sus
ch'porion n'aimot pas qu'in vibre trop fort chétot des balles in moins au bout de l'journée
In prénot des petites gaillettes grosses comme un poing 2 ou 3, ch'garte i nous attindot al porte i ravisot chés musettes si in étot pris chétot l'aminte
chés musettes in tapis inne veyot pas grand'cosse mais inne in toile in véyot ch'qu'i avot d'dins
l'raccourche chétot parel fallot pas t'faire printe
in n'avot pas l'drot d'armonter quoi que se soit dins s'musette chétot du vol
in étot tous des voleurs
Ele pétit’ gaill’tte d’un l’mus’tte,
V’nant du fin fond d’eche tréfond,
Vizipe d’chés vein’s ed carbon,
Extrait’s,cassé’s dins chés bowett’s.
Ele pétit’ gaill’tte d’un l’mus’tte,
In s’arnalot d’ech’ front, armontot,
D’vant l’train d’ball’s,in passot,
pr’not a l’accrochache, chés tiot’s gaill’ttes.
Ele pétit’ gaill’tte d’un l’mus’tte,
I z’étotes,Gross’s comm’ un poing.
2 ou 3 ,l’musette in tapis ,d’un l’ coin,
Camuché’s d’zous l’pain d’alouette.
Ele pétit’ gaill’tte d’un l’mus’tte,
Al port’ eche garte, attindot al sortie.
I Arwiéto chés mus’ttes, raccourch’s et gaill’tt’s,
Aminte ,si ch’ mineurs i z’totent pris.
