Les jardinsl' retour des vagances
par minloute le, 30/06/2005Les vagances ché un peu comme la vie, au début que té in vagances té comptes pas ché jours vu que t'en n'a tel'mint d'vant ti, té insouciant, aprés arriffe l' fin du premier mo, té vo des gins qui s'in vont pi qui sont rimplachés par d'autes à mon d' ché locations, j' parle ed merlimont mes gins, là t'eute dit in est à la moitié, mais vite t'arplonche ed dins et ti pinse pu, pi un jour, i a toudi eune phrasse malheureusse du genre, tiens lundi prochain tu rentres à l'école, et là patatra, té comptes ché jours à r'bours quite à oublier d' les viffe, té d'vient mélancolique, mais d' toute façon, ché mineutes, ché s'contes ale tournent toudis et un bio jour, bio jour, ché ptete un grand mot, un jour té sais que ché l' dernier et t'as un sacré paquet d' mélancolie.
