Les jardinsla ''célébrité'' du site
par minloute le, 06/11/2007quand que j a artouné à bruay ch' dernier week end, j a monté in carette avec m' tante qui a 83 ans , et in route am' dit " in a parlé d'ti l' s'maine derniere " avec madame untel, ah bon que j' dis, bin ouais, a m a dit qu ale avo trouvé sur internet, par l intermédiaire d'es' file, un site su bruay et ché mines, et m' tante ale a dit "oh j a dit que chéto ti qui s in occupo", bin cha m a fait bin plaiji
pi zavez vu j a été al' ferme auberge du cabaret rouge, pi là , al' fin du r'pas, j' ravise ché zaffiches qui étotent accrochées d'dins l intrée et quo qu' j' vo, un artique d histoires de chtis que j avo fait y a eune paire d années et que djà j avo écris commint que j avo bin mingé, j a été vire l' patronne din s'cuisine, et j y a dit que chéto mi qui avo écrit l artique, bin elle, parel, chéto s'file qu ale éto pachée such' site et qu ale avo vu l artique ....
alors trouv'rez in photo minloute et madame Beaucamp qui s occupe del ferme auberche
(eune tchiote précision, invers si n a qui vont cacher l'tchiote biete, l' sujet que j a fait avant, j' l auro fait meme si y avo pas eu l artique d accroché, mi ché avec min coeur que j'dis c' que j' pinse)
alors j'éto vraimint contint au fond d' mi , d' vire réel'mint que ch' site i fait l' bonheur d' ché gins, chéto l' but au départ, ché toudis l' note
mais meme si au début avec marie claire in a mis un paquet d' sujets, cha fait plaiji d' vire qu' achteure vous l alimentez
Nb de marie claire : en lien le premier sujet sur l'Auberge du Cabaret Rouge
Le Cabaret Rouge achteure
( 1 photos)
