Les jardinseune belle solidarité su ch'web
par annie62110 le, 09/11/2007j'viens d'vire à l'télé eune belle histoire ed soldat inconnu
un amateur ed tout c'qui toucha à l'guerre 14-18 avot arpéré dins un cim'tière de l'grande guerre eune tombe avec un soldat sans nom, tout c'qui étot marqué ch'est que sur s'n'alliance i avot les initiales ED LC
i s'est mis à cacher et sur internet un suisse i a ouvert un site, bientôt i zont été plus d'cent internautes à cacher din chés mairies et sur chés registres ed l'église et 1447 jours plus tard i zont enfin trouvé
i s'app'lot EDMOND DURAND et i étot marié à LUCIE CUNY et porté disparu pindant la guerre
oh il restot pu gramin d'famille in vie , mais i zont r'trouvé eune nièce et i zont su que s'n'épouse al étot décédée sans savoir dù qu'i étot s'n'homme alors qu'i étot interré à 10 kms de s'maison
mi eune histoire comme cha ch'a m'fout in colére i a eu tell'mint d'vies brisées à ch't'époque là, tell'mint d'jeunes qui d'mandotent qu'à vivre ch'est à tout cheux là que j'pinse in faisant fi d'tous chés généraux et chés z'états majors !
