Les jardinsin éto aux premières loches
par minloute le, 30/06/2005Vu que l' séparation entre ché masons accolées chéto fait avec eune seule brique et i suffiso alors que ch' voisin i parle ou qui rit fort ou alors qui s'ingueule avec s' femme ou ses infants, in éto aux premières loches .........
par mistinguett' le, 30/06/2005Té peux pas si bien dir'!
J' vas vous raconter inne histoire, inne vraie.
M' mère alle habite inne maison comme cha, alle avot s' voisine qui partot d' timps in temps à mon d' ses filles d'ins l' midi. Alle disot toudis quand alle partot, mais jamais quand allle allot arvénir, ch'étot toudis l' surprisse.
Un coup qu' alle étot partie, et qu' j'étos in vacances à mon d' m' mère, inne nuit, j'intinds des tiroirs pi des portes ed placards pi d'armoires qui s'ouff'tent pi qui s' ferm'tent.
L' matin, je m' léfe, j' dis à m'mère, "cha i est l' voisine alle est rintrée, j' l'ai intindu ringer ses affaires" alle m' ravisse étonnée, alle m' dit "ch'est drôle, j'ai pas intindu d' voiture l' ram'ner". Du coup in sort tous les deux dins l'gardin pour vire si tout i est normal à s' mason, sin volet pi s' ferniette ed cuisine is étotent ouverts, alle avot été cambriolée!
J'avos tout intindu, comme té dis j'étos aux premières loches!
